Talitha Pharma (Pty) Ltd is a Black-owned and managed pharmaceutical venture. We empower communal and developing farmers to farm PROFITABLY and SUSTAINABLY; and we supply primary animal health remedies, focusing on parasite control, nutrition, disease prevention and treatment for livestock (cattle, sheep and goats).

Namhla yimin' enkulu, kuba namhla senz' ingxelo
Namhla ngumhl' owodwa, kuba ngumhla wempendulo.
Sabela mzontsudu kub' ikhwelo lityala,
Thul' umamele kub' uTalitha unomahluko

Namhla ngumhl' owodwa,
Kuba kuzal' uTalitha, intombi yemimangaliso.
"UTalitha kumi" uthi "ntombazana vuka",
UTalitha yena yinkwenkwezi eyodwa.

Namhla kaloku ngumhl' onomahluko,
EyeThupha yinyanga yabafazi, gxebe yeyasegoqweni,
Kaloku aba ngabantw' abanomahluko,
Kuba bona bafunga bangajiki nakanye,
Kanene kuyazalelwana na bafazi?
Kub' uTalitha yena uzalelw' isizw' esintsundu

Namhla ngumhl' owodwa, kuba senz' ingxelo,
UTalitha uthi, Mzontsudu, eli lilizwe lenu,
Vuk'uthath' indawo yakho ngokugqwesa,
Vukuthath' indawo yakho kalok' isemgqubeni,
Ziyemnk’ iinkomo ningamagwala nje.

Namhla ngumhl' owodwa, kuba ngowengxelo.
Lahl' umthika kwedini ingcibi' ifikile,
Kalok' uTalitha yena uzakukukhankathela.
Bhinqan' omfutshane zintombi zakowethu,
Kub' uTalitha namhla uyanithombisa,
Ukuze zibuye kalok' iinkomo zobawo.
Zemnk’ iinkomo mhla ngepasi!

Namhla ngumhl' onomahluko, ngumhla wokugqwesa
Vuka ke Mzontsud' uthath'indawo yakho
Thath' indawo yakho kwilizwe lokhokho
UTalith’ ulihlabil' ikhwelo wena wasabela
Tshotsho ke kuba kalok' ikhwelo lityala
Namhla ngumhl' onomahluk' uTalith' ugqwesile!

(Ngokubhalwa ngu: Ayanda Mbotshelwa)